आ जइयो श्याम बरसाने में

 आ जाइयो श्याम बरसाने गाँव

तोये होरी खूब खिलाय दूँगी

होरी को मजा चखाय दूँगी-2

संग लाइयो ग्वालन की टोली

सब छैल छबीले हम जोली

पीरो पटुका पगिया पीरो पीरी पोखर न्हवाय दूँगी, होरी को……

पहराय दऊँ लहँगा अरू चोली

निधरक खेलेगें हम होरी

चुरिया विछिया काजर बिदिंया पामन पायल पहराये दूँगी, होरी को…….

मेरी गली रँगीली अति प्यारी

होरी खेले श्यामा प्यारी

जब चले दुहत्था लट्ठ श्याम तोहे नानी याद दिलाय दूँगी, होरी को….

आय जइयो प्राणन के प्यारे

सखियन के नैनन के तारे

चित्रा संग सखिया विनय करै हियरा में तोहे बसाय लूँगी, होरी को…..